HABO香港室內釣蝦場

復活節長假期正式開始，又搵下啲活動做下先，原來上年年尾喺新蒲崗新開左間釣蝦場，環境好靚又啱打卡，一於去見識下。釣蝦場喺正地下，仲要好大間，有6千呎，而且樓底夠高又寬倘，空間感十足，入面有2個大型釣蝦池，大約有60個座位，最正係有個超巨型投射熒幕，締造時下流行的浸沉式體驗。 由於係新開關係，所有用具都非常新淨，去到職員會俾一兜仔蝦餌、一個尖咀鉗、一支蝦桿同一條毛巾，如果係新手都唔怕，職員會指導釣蝦方法及技巧，主打泰國羅氏蝦🦐釣到之後可以即場薑蔥白灼蝦，也有其他收費嘅烹調方法，每斤＄50包括了有流沙黄金蝦、川味麻辣蝦以及秘製蒜香醬油蝦等，場內仲有提供小食，包括炸燒賣、黑松露薯條、炸芝士年糕、列炸蠔、三色薯餅等，邊吃邊釣好疏乎😎 釣蝦的收費係每小時計算，首個小時收費＄140、第2個小時收費＄250、第3個小時收費＄340、第4個小時收費則＄410，當中費用已包括租借釣具、釣鉺及基本烹調，即以薑蔥白灼。 職員平均每1小時會加蝦一次，仲會因應現場情況，再加多啲蝦，務求大家都可以釣到👍🏻假如你係新手或者唔係咁好彩，無收穫都唔洗驚，因為釣蝦價錢已包括5隻蝦，而我地當日都好叻咁釣到30隻左右😍一半揀左川味麻辣蝦，一半就整左咕嚕蝦，2款都非常惹味，最貼心嘅係仲幫客人剪走哂啲蝦鬚、蝦腳，食起黎比較方便。 如果大家都有興趣，可以趁住放假去請一試手氣，有得玩又有得食，不過記得要打電話去預約呀😊

6000呎室內釣蝦場，環境乾淨企理，玩完仲有多款煮蝦方法，好味又好玩

環境整潔，蝦訊多，員工服務態度好好

蝦太細

無蝦